التجارة الالكترونية

قسم التجارة الالكترونية هيغطي معظم احتياجاتك عشان تبيع اون لاين  وكمان متعدد التجار 

القسم ده بيدعم اضافة المنتجات والاقسام الرئيسية والفرعية وتقدر تضيف خصائص للأقسام دي زي مثلا اللون والمقاس اوالطول اوالمساحة او اي خاصية عاوز العميل يختار منها 

في كمان متابعه الطلبات وحالة الطلب والعملاء ونقاط بيع واضافة مناطق الشحن وتحديد سعر لكل منطقة وممكن العملاء يتواصلوا معاك او يستفسروا عن معلومة معينة من خلال ارسال رسالة من صفحة المنتج 

خلينا نشرح قسم التجارة الالكترونية والخصائص الي يدعمها 

أولا الأقسام 

في البداية لازم تبقي محدد الأقسام الي هشتغل عليها علي النظام ودي بتنقسم لأقسام رئيسية وتحتها الأقسام الفرعية زي مثلا 

ملابس (قسم رئيسي) وتحتها ملابس رجالي, ملابس حريمي, ملابس أطفال (اقسام فرعية) 

مثال تاني موبيلات تحتها هواوي, سامسونج, أي فون وهكذا 

انت بتقسم الموقع حسب متطلبات شغلك 

نيجي للنقطه المهم جدا والي هي خصائص الاقسام والي من خلالها هتخلي الزوار يختارو من خصائص معينه علي المنتج يعني ايه الكلام ده ؟

لو اخدنا الملابس كمثال ايه الخصائص والاختلافات الي موجوده في الملابس وممكن يختار الزائر منها ؟

الون والمقاس مثلا 

ودا هنوضحه في الخطوه الجاية الي في إضافة المنتجات بس لو هنستخدم اختلافات لازم نضيف خصائص للقسم

إضافة المنتجات 

اول حاجه هتحددها القسم الرئيسي والقسم الفرعي 

بعدين هتكتب اسم المنتج بتاعك والماركة بتاعته وتحدد حالة المنتج وسعرة ولو في خصم هتكتب السعر بعد الخصم وتاريخ البداية وتاريخ النهاية 

هتكتب نبذه عن منتجكك وكمان تفاصيل المنتج كاملة وهترفع الصور 

هنيجي بعد كدا للنقطه المهمه والي الي اتكلمنا عليها قبل كدا والي هي تحديد الاختلافات والخصائص 

في المثال ده المنتج الي عندنا ليه اختلافين كنا ضفناهم قبل كدا علي قسم الملابس كله والي هي المقاسات والألوان 

هحدد الاختلافين وهكتب القيم بتاعتهم زي ما انا عاوز العميل يشوفهم 

بعدين هحدد الكمية المتاحه لكل اختلاف 

اخر حاجه دي خاصه بتجار الجملة والي هتكتب فيها مثلا من 50 الي 100 قطعه هتبقي سعر القطعه كذا 

بعدين تضغط حفظ

كدا انت ضفت منتج جديد ممكن تاخد نسخه من المنتج لو عندك منتج مشابة ليه وعاوز بس تعدل حجات بسيطه بدل ما تكتب كل دا من الاول 

في الجدول دا هتقدر تفعل المنتج او توقفه وهتابع الكميه الي في مخزنك 

نيجي بقي لسعر الشحن لكل منطقة 

تقدر تضيف كل المناطق او المحافظات الي بتشحن لها وتحدد سعر كل منطقه او تحدد سعر شحن ثايت لكل المناطق 

نيجي بقي لمرحلة الاوردرات 

عندك 6 حالات للاوردرات 

جديده  ودي كل الاوردرات الجديده الي موجوده علي السيستم 

جاهز للشحن ودي معناها انك حضرت الاوردر وجاهز انو يتشحن 

شحن ودا كدا الاوردر في طريقة للعميل 

اكتمل وكدا الاوردر وصل وللعميل 

ملغي ودا اوردر اتلغي لأي سبب من الاسباب 

مرتجع ودي الاوردرات الي رجعت من العملاء 

دا شكل الاوردر

اخر حاجه نقاط البيع ودا سيستم بسيط تقدر تبيع منه مباشر